Miljøproblema er globale. Det som skjer ein stad i verda kan gi konsekvensar for dei som bur på andre sida av jorda. Internasjonalt samarbeid vert av dei fleste sett på som den beste måten å løyse desse felles problema på. Er så EU svaret?

I aukande grad vert vi i dag stilt ansikt til ansikt med vår eiga påverknad på planeten vår. Auka utslepp av mellom anna karbondioksid leiar til sterkare drivhuseffekt og auka global oppvarming. Dette ser vi igjen i dagleglivet vårt gjennom meir ekstremt og uforutsigbart vêr, og forskarar meiner dette berre er byrjinga.
EU var i utgangspunktet eit økonomisk samarbeidsprosjekt, der omsynet til marknadskreftene går framføre omsynet til miljøet og folks helse. I Amsterdamtraktaten kom ein til semje om ein meir offensiv miljøpolitikk. Spørsmålet vert då om EU sin økonomiske politikk og den indre marknaden gjer oss meir forureining – ikkje mindre, og utarmar naturresursane – i staden for å ta vare på dei? Vil EU klare å regulere dei utsleppa og den forureininga vi slit med i dagens samfunn.
Ane Hansdatter Kismul, leiar Natur og Ungdom
Jo Stein Moen, Nei tli EU
Finn Myrstad, Europeisk Ungdom
Rasmus Reinvang, WWF
I samarbeid med Studentgruppa til Natur og Ungdom inviterer Kulturutvalget til debatt om nett dette.