I høve 1905-jubileet har ein av dei mest framifrå ekspertane på området sagt ja til å halda eit ”om ikke eksplosivt, så brennbart, eller i det minste lett antennelig” foredrag om 1905.
1905 – kva slags union var det? Kven oppløysa unionen – Norge eller Sverige? Kvifor vart det ikkje krig? Kva var verknaden av unionsoppløysninga? Hadde me vore betre tjent med å ikkje krevja unionsoppløysing? – Sverige er jo blitt ein leiande inustrinasjon, medan me berre dilter etter. Dette er spørsmål Francis Sejersted kjem til å fortelja om i kveld.
Me kunna sagt dette var ei obligatorisk øving i nasjonalisme i høve 1905-jubileet, men me skal nøya oss med å fastslå at anten du er nasjonalist på din hals eller du heller forfekter ein ny svensknorsk union, så vil dette vera ein gjevande historietime.
Francis Sejersted er tidlegare historieprofessor, nå forskar I ved Institutt for samfunnsforskning og styreleiar i foreininga Fritt Ord. I juni kjem han med band to i Jubileumshistorien, om utviklinga i Norge og Sverige etter unionsoppløysinga.

Foredragsholder:
Francis Sejersted Tidlegare historieprofessor; forfattar av boka Jubileumshistorien bind to Norge og Sverige 1905–2005

Arrangeres av Kulturutvalget.